నెలవంకకి కర్రకట్టి చుక్కలన్నీ రాల్చేసా,
నల్లని ఆకాశాన ఊహల రంగవల్లి దిద్దేసా..
రేకు విప్పని మందారపునవ్వు చూసేసా,
ముడుచుకున్న అత్తిపత్తి ముగ్ధ సొగసు కొట్టేసా..
చూరుమూల గూటి గుసగుసలు వినేసా,
చిరుగాలి మువ్వల మోతకి రాగం కట్టేసా..
కరగనన్న కాలానికి నా ఎదురుచూపు సెగలద్దేసా,
నీ పాదాల సవ్వడికి నా గుండె మోత అడ్డు తీసేసా..
ఆవలి తీరాన ఆగిన నావకి అలల వలేసి లాగేసా,
నీవు పెంచిన వనాన నేను కుటీరమొకటి నిర్మించా..
