మీ అందరకూ నా హృదయపూర్వక నూతన సంవత్సర శుభాకాంక్షలు...
యద్భావం తద్భవతి
మోడులైన చెట్లు చెప్తున్నాయి ఆమనిలో పచ్చని చివురేస్తాం,
మాకెందుకిక దిగులని.
బిరుసెక్కిన నేల నవ్వేసుకుంటుంది,
పచ్చ చీర నేతకి పోగులు పోగుచెసుకుంటూ...
ఆ పక్కనే కాంక్రీటు చీల్చుకుని ఈ మొక్క
మొక్క వేర్లని చీల్చుకుని పొడుచుకొస్తూ మరొక మొలక
చూసిన దిశని బట్టి రవ్వంత నీడ
నాలుగు రకాల జీవితేచ్ఛ చుట్టూ పరుచుకుని-
తరిచిన కొలదీ సేద తీర్చే కొండంత ఊరట ఒండ్రుగా ప్రవహిస్తూ...
ఎవరి జీవితం వారికి స్వాగతిస్తూ ద్వారాలు తెరుస్తుంది
No comments:
Post a Comment